Ár gcur chuige i leith ár gcuspóirí straitéiseacha aeráide

Tá tacar tosaigh táscairí a bhaineann leis an aeráid curtha ar fáil againn don earnáil airgeadais mar chuid den obair atá ar siúl againn chun feabhas a chur ar cháilíocht agus líon na sonraí atá ann a bhaineann leis an aeráid.

De réir mar a thagann feabhas ar shonraí a bhaineann leis an aeráid, oibrímid chun feabhas a chur ar ár samhlacha maicreacnamaíocha, ár n-anailís ar chásanna agus ár measúnuithe riosca. Cuidíonn sé seo linn rioscaí aeráide a chur san áireamh ar bhealach níos fearr, chomh maith leis na deiseanna a d’fhéadfadh a bheith ann de bharr an aistrithe ghlais.

De réir mar a mhéadaíonn ár dtuiscint, is féidir linn cinntí beartais níos eolaí a dhéanamh ar deireadh thiar.

Bunaithe ar ár n-anailís, déanaimid beart i réimsí inar cuí linn, lena n-áirítear ár mbannaí corparáideacha, ár n-infheistíochtaí féin agus ár lorg comhshaoil féin.

De réir mar a thagann feabhas ar shonraí agus ar shamhaltú a bhaineann leis an aeráid, déanaimid ár mbeartais a choigeartú dá réir. Fágann sé sin go bhforbraíonn agus go bhfeabhsaíonn ár straitéis aeráide le himeacht ama.